*Cerita Sore ning Swalayan

*Cerita Sore ning Swalayan

Sore wingi....

Aku karo sepupuku jalan-jalan, belanja ning Kita Bersama Swalayan Bulakamba. Sore kuwe swalayan lagi semadan sepi dadi bisa nglirak-nglirik ndeleng wong sing pada milih belanjanan.

Pas aku lagi ngantri ning kasiran. Aku ndelengna bocah cilik karo mamane lagi belanja bareng. Sengaja ora sengaja tak perhatikena.

“ma, aku pengen nginung.” jare bocah cilik, sing mau wis ngadeg ngarepe lemari pendingin, mamane lagi milih-milih bedak ning tempat kosmetikan.

“ya wis jukut nginungan sing teh, tong. Teh gelas bae.. “. jare mamane sibuk milih bedak maning. Bocahe seneng, buka lemari golet inungan teh.

“teh gelase laka, ma”. bocahe nyeru.

“ari laka ya teh botol”. jawab mamane

Bocahe mbuka lemari maning, goleti teh botol.

“teh botol laka, maa..”.

“teh Rio ya kena..”.

“anane teh Sisri ma”. anake njerit karo nuding yu Sisri, jebule ketemu tanggane sing lagi belanja ning swalayan keding.

“lah kiye bocah, ya teh pucuk, goleti bokat ana”. mamane smadan stitik sewot.

“ma, teh pucuk ya laka...Maa,“. Bocahe matane wis smadan abang, kayong wis ngelak pengen nginung nemen asline.

“laka teh pucuk, teh bongkot ya kena....” mamane nyewot karo nyengir. “ Pan nginung teh ben angel temen..”. (bongkot = bonggol=batang pohon). Jebule kweh bocah asline pengene milih  concerto. :-D

Aku sing mau ndelengna bae melu cengar cengir. Ning jero ati ngguyu kegugu.

Jare tukang kasire.. “ mba,.. mba... kenang apa ganing gemuyu dewek?”.

Aku dijiwit sepupune. “ hh...h...he he he bha...haha..., ora papa kok mba, lagi seneng bae”. Karo nyengir mbayangna seumpamane  adegan mau aku karo anake aku.. ‘hsttt... durung nikah wis mbayangna due anak. Jero ati melu seneng ndelengna wong tua karo anak brayan.